Latest news from Gaza :

الثلاثاء، 6 يناير، 2009
كلام من عندى
بسم الله

السلام عليكم ورحمة الله وبركاته

بعد ما الواحد اعد ينقل فى شوية اخبار .. جى فى دماغى هو احنا كناس نفسنا نساند غزة يا ترى

احنا كمان عايزين نقول ايه .. ؟؟ حتى ولو كلامى ساذج بس يمكن النهاردة هو اليوم اللى محتاج سذاجتى تظهر عشان اقدر اعالجها

بدرى .. ونقدر نواجه بعض ولو بالنقد ..

اللى بيحصل فى غزة واللى معظمنا متابعه كويس اوى .. وشايفه .. محتاج مننا وقفة مختلفة شوية .. وقفة مش من بتوع .. يلا نحارب

ونضرب وصاروخيين فى الجو .. واديله لا الموضوع بجد كارثة .. بالبلدى المصرى نصيبة .. الحكاية مش دولة هبلة عندها تخلف

وعنصرية ولا هى شايفة نفسها على الاخر .. ولا انظمة متهمة بالفساد عشان واقفة بتتفرج وخايفة من امارة اسلامية على حدودها

تعالوا نشوف هو الحل ايه ..؟؟ الكل بيتكلم عن وقفة عربية قوية .. طيب ايه هى الوقفة .. اعلان من الائولال المتحدة .. ولا ميجلس الايمن .؟؟

طيب هو دا الحل هل اسرائيل هتتوقف .. ما اعتقديش ... لان اسرائيل بدوس على الحاجات دى بالجذمة زى ما بدوس على رقابتنا بالظبط

يبقى الخيار والطماطم والخس الاستراتيجى بتاع السلام السلام عتبة دا ... مش جايب همه اساسا

اممممم طب يا ترى العرب الانظمة العربية يعنى .. يا ترى تقدر تضغط على الغرب وامريكا والزفتة اسرائيل دى .؟؟

ما اعتقديش ... طب حد يقولى ليه .. لان هم من الاخر مبسوطيين كدا مرتحيين كدا .. احنا بنعكننا علىالزعماء وبنرخم عليهم هما فاضيلنا

لان كل واحد من الناس دى من الاخر اعد بقوة امريكا مش بقوة الاختيار الشعبى .. واحنا كشعوب عربية .. ولا هنا فى البلالة على الاخر

طب خيار عسكرى ... مين اللى ممكن يحارب مصر .. اعتقد ولا واحد مصرى عايز يحارب ... مش خوف .. لكن مش عايزين نحارب

لوحدنا .. يبقى نحارب كعرب .. طب وهو العرب اساسا بيعرفوا يعملوا حاجة سوا اساسا .. ما يتهيئليش ...

طبعا كدا الحياة اسودت .. وكان ما فيش امل

لا فى ... اللى بيحصل فى غزة دا حصل وبيحصل وهيحصل دايما

الحل هو احنا .. ايوة احنا كشعوب .. امتى هنقدر نفهم اننا احنا اللى بهدلنا

نفسنا البهدلة السودة دى ... يا ريت نفهم ولو بشكل بسيط ... ان لو احنا كعرب لو اتعلمنا صح وبطلنا هيافة وتخلف صدقونى فلسطين

هتتحرر بسهولة ...

شوفوا بالمرة التعليق دا

نحن محاصرون في غزة منذ سنتين ونعاني أوقاتاً عصيبة تحت القصف الإسرائيلي منذ الأسبوع الماضي... نحن لسنا في حاجة لتبرعاتكم وأموالكم التي لن تصلنا أصلاً، ولكننا بحاجة للدعم العسكري والتدخل الجدي لوقف العدوان الغاشم علينا. لن تفيدنا تبرعاتكم بشيء سوى أنها ستذهب إلى جيوب المسئولين الحكوميين في النهاية!

دا واحد من اهل غزة ... يا جماعة يا رب تفهموا ان الحل مش هيجى الا بالقوة .. مش شرط قوة السلاح .. فين قوة العلم وقوة الاقتصاد ؟؟؟؟


Ahmed Rady

التسميات:

1 Comments:
لو مفيش حاجة هتخرج اسرائيل من فلسطين غير الحرب يا محمد زي صاحب التعليق بيقول
فأنا متأكد 100% ان اللي هيحاربو الاسرائيلين مسلمين من غير العرب
العرب في الوقت الحالي مستحيل يدخلوا حرب مع اسرائيل
ومش خوف منهم ولا جبن مننا
أبدا
بس لأن الأنظمة العربية ذات نفسها معندهاش الجرأة ولا الاستقلالية لأتخاذ قرار زي ده

وبالتالي الأنظمة دي محتاجة اصلاح
وعشان الإصلاح ده يتحقق لازم الشعب نفسه يصلح نفسه
عشان يطلع منه بعد كده الحاكم والقائد الصالح المصلح

واللي هيعدل حال الشعوب دي هو التعليم والتربية السليمة زي ما انت قلت بالظبط
وانشالله ناخد عشرين سنة
بس المهم نبدأ

إرسال تعليق

Designed and developed by : Mohamed Hamdy